好驚呀~~天陰, 有大雨

尋晚發左個夢 , 好驚呀 , 嚇醒左就訓唔番 , 三點幾眼望望到天光.
我係夢入面係大陸唔見左個仔 , 佢偷走左出去玩 , 點知唔識行返黎搵我地 , 跟住打手電比我 , 點知講講下又斷左線!再打已經冇人聽 ,我 喊到痴左線,無啦啦又見到 connie喎 , connie陪我係咁搵 , 又無啦啦有隻女鬼出黎話 , 佢可以幫我搵番個仔同比我帶返屋企 ,但係我要一世跟住佢 , 服侍佢 , 我一口應承 , 因為佢話會放 connie走同比我成日返屋企見下個仔 , 咁我咪應承囉...
咁就醒左啦.....connie真係好......見到鬼都唔驚喎!

醒番我問老公 , 如果隻女鬼咁問佢 , 佢會唔會即刻應承 , 佢竟然要諗一陣先答我喎 , 仲要係未必喎 , 激死!!!