準備就緒~~天氣寒冷

距離要搬既日子愈來愈近,今日大家都搬都隻積咁!
好彩西人信邪啫,無左13同14樓,而家12樓同15樓實際只係上落一層樓咋,有時唔等車立,行都行到~~
啱啱係正月尾先搬,d野搬又唔係唔搬打定包又唔係喎~~~~
樓上比起而家細左好多,但係都叫做一番新境像,2間變3間都係好事黎既!希望大家工作順利,開開心心啦!
27號就正式開張大吉嘞,到時兩位事頭婆一人一箱搬入去先,真係好想影低呢一刻笑下~~~哈哈哈!
總之佢兩位大帝安樂,就大家都安樂嘞,係咪?

最後一次?~~天晴

今日,d經期如期又黎探我~~~~
其實都有預到佢會黎,因為打enantone既時候,已經係差唔多會黎既日子,但真係好痛囉,行唔到,老公想call白車去屯門醫院,但係係我堅持唔肯既情況下,call左紅車去左浸會,始終都係私家,服務真係唔同d!
一落的的,唔駛一分鐘醫院服務主任已經推定輪椅係大門等我,唔知係咪有cctv呢?
但個感覺真係好好囉~~
姑娘又好好人,分流既時候,知我有子宮內膜異位,仲話"咁慘呀,好痛嘞呵~~好快有醫生睇妳架嘞,等多一陣呀下,我一陣推妳入去呀下~~"
好窩心呀~~~^^小肥肥姑娘...好鍾意妳呀!!
醫生都好好,任問唔嬲,慢慢分析過我知而家點點點.....仲幫我打電話比霍醫生添!
今日又係要打針,好彩又係小肥肥姑娘幫我打啫,唔痛架.....正!

開始打停經針~~天晴

就係為左呢幾粒朱古力瘤,聽霍醫生話今日走左去浸會醫院打停經針~~~
醫生話一開始打呢支針,就一世都唔再有經期黎架嘞......
咁咪可以慳返好多m巾錢囉,呵呵~~~
就係呢支成7000蚊既針藥,打落去唔覺痛,無咩咁感.
仲等我之前驚左咁耐^^"





成個子宮!


左邊個瘤,係卵巢生出去到子宮!



右邊個瘤,都係卵巢生出去到子宮!最大呢粒!有5點幾cm大.....
側邊仲有好多粒係到,黑黑地個d就係嘞!

核咩數呢?

今日已經係會計師黎核數第三日嘞!時間過得好快呀!
諗番起第一日呀會計師lester問既一條問題:嗯...而家咩都未set塗曬,點做好呢?
哈哈哈...問著我同ling姐嘞!我地妳眼望我眼,係咁笑~~~
都係學梁小姐話齋:沖曬佢!!!!!過曬比集團得架嘞!哇哈哈哈.........
咩都無曬lu......

無止境的等

今日已經係第9日嘞......
仲要痛到幾時呢?
見到d止痛藥好想嘔......
但係唔食又痛,又想疴......
好想喊......
好唔想老公擔心......
晚晚陪我坐天光......

傻婆發夢見到自己渣住包"衣包"周街走,係咁問人點搭車返屋企!

冬令到

日日都想整野食,但係搵唔到時間出黎咁,時間其實係有,不過係好夜囉...每日自己私人時間係晚上10時半開始,沖埋個靚涼都好夜嘞,開機整餅又怕嘈住人訓,繡野咩又眼攰嘞,咁咪上網睇下電視囉,荷媽又唔係到喎整個咁既吳君麗出黎,嘩!!!!想死咩!!!!
見到呀囡訓左,人都定落黎嘞,好似一日既任務完成咁~~

呢日返左北風,夜晚好凍下,要著綿背心,好想打邊邊呀,幾時有得打呢?
皇帝菜同肥羊粉幾時有機會見面呢?
凍豆腐,好掛住妳呀!!!!!

開始學識痛

經過多日黎既生仔過程,又過一關嘞!
每個月都要生一次仔咁,慢慢適應落黎嘞......
原來人唔經歷過,係唔知人地既痛苦既!
而家知道MANDY當年點解會咁慘痛,當時只係以一個局外人黎睇見事,只會覺得經痛之麻,咁誇既?痛到要請假?好想同佢講句對唔住!原來佢係咁辛苦既~~~~對唔住呀!

而家又知道點解有人會因病厭世自殺,當身體既病痛一樣接一樣既時候,唔好話身體頂唔頂得順,淨係心理上都惡頂啦,驚完呢樣個樣又話黎到嘞!

而家開始學識感受唔到人地既痛,都唔好話人地無咩事囉~~~
痛..係要針吉到落肉先知架!

再黎搬過!!!!~~天晴

今日收工,見班同事仔個個都唔得閒,自己留低搬返好lady k 同ML張檯,仲爭MRC張檯啫,真係搬唔郁,所以無理!
過程好順利,都係兩個鐘啫!
不過隻手就痛到飛起~~~
返到屋企除褲都無力,好乸痛~~~
好彩搽左"我李暉都用既活胳油,立即舒筋活胳!",又真係幾好用喎!HA...HA....

諗返今日係公司見到上大人佢地一個二個一返到公司就係到偷笑,真係.....又幾好笑.....
但係佢坐係果個位又真係順眼D喎!

另外好清楚聽到佢兩位呀太話,嗯...等佢出埋幅圖先再攪過,過左年先啦...嘩!真係同大家預測無錯!
大家真係佢肚裡面既一條蟲!
再攪!!!!
攪著我地!!!!

"順得人"喺隔離~~HaHa.....

執完風水位之後,週身骨痛!
手又扭傷埋,痛都係自己既事~~~
仲有唔夠一年,希望快d過去,唔想停留係到!

個位好好,係真正"順得人"隔離,愈來愈發覺同佢做朋友OR同事,係開心既,
唔會有種迫佢和應既感覺,YES 同 NO佢分得好清楚,
唔怪得lady K 會咁鍾意佢haha~~
最衰係唔夠屏風掛野用,如果唔係拆埋同佢中間埋板就好嘞!

shu....X咀..X咀...shu.....
禾地呢支應該係中籤,平安無事,大步檻過......

給最愛女兒的說話

給最愛女兒的說話 詞:鄭國江,鄭丹瑞 唱:曾路得 獨白:鄭丹瑞
緊握緊握的一雙小手
教我有著太多感受
你現在或是不解這一番心意
留在你童年以後
活著活著是永遠尋求
每個際遇要安心靜候
算了吧 人成長總有一些起跌
長路裡有我在背後
喜歡的不代表佔有
替彼方想多一想
世情易接受 如感迷途
不要徬徨 嘆息收起望以後
路上路上或挫折重重
每每挫敗也許不易受
要記著事事如不可以不必強求
難受處一定有
獨白:
親愛的女兒,今日我要講o既,
你可能永遠都唔會明白,
點解當父母認為愛你愛得過份的時候,
你會覺得我o地愛你愛得唔夠,
假如有一日,當你流住眼淚,
埋怨爸爸媽媽太唔了解你.
當你煩燥不安的時候,
請你靜一靜,想一想.
然後,希望你明白,希望你容忍,
希望你繼續,愛你的爸爸,愛你的媽媽.
喜歡的不代表佔有
替彼方想多一想
世情易接受 如感迷途
不要徬徨 嘆息收起望以後
路上路上或許多引誘
愛意決定你想施或受
這段話 寶寶很想你聽多幾遍
能共你心伴奏

"出蕉"!~~天晴

係新聞睇到黃毓民既掟蕉行為......好羞家...
比其他人睇到會點諗?
抗爭..啱!有人出聲先會有人正視回應!
但係咁既手法有用咩?
出手等如出醜!!!!!
人地個個頭都大曬,諗點出招挽救香港,佢就真係走去"出蕉"!
正白痴!!!!!
曾生係有唔啱,但係黃生又點呢?
不過睇真佢都有D肴底~~咁近曾生都掟唔中=.="
梗係掟唔中啦,唔驚比人拉咩?咁多隻眼睇住,哇哈哈~~

台灣受教育既佢真係唔同D,睇佢開會好似睇緊台灣D人開會咁款,一傾唔埋欄就出手打人!
都係長毛有修養過佢,雖然長毛成日都抗議,但係有條有理!
起碼長毛被范太一話佢就傻傻地笑笑口坐低,最多咪一陣出去再拉橫額囉~~

可能因為咁,長毛又可以再玩過嘞!

精神健康~~天晴

多災多難既一年,先黎生係子宮壁入面既子宮內膜移位瘤,驚死切唔曬個子宮咁=.="
痛到死下死下又黎一個腎炎,又係腰腹痛,又要食藥,想點?

今日食曬腎炎d藥嘞,每次9粒,諗下都想嘔!
由於其中一粒藥係粉藍色, 而家睇見粉藍色既A4紙都想嘔呀!
下星期會約醫生驗下腎功能係點,
而家感受到點解有人會因為痛而尋死.
黎緊新一年要許願祝人人身體健康!

係新聞睇到原來香港10月份有個關於精神健康咩扮老鼠既日子過喎,睇到佢地一班OL同男仔係到扮老鼠,用日常工作上會做既事進行比賽,好似擦鞋呀,被人追文件呀,OT呀,仲之樣樣都係正常寫字樓會出現既現象,睇到好好笑,又覺得應該大力推行,等人人都可以抖下氣,玩下麻!

越 美 麗 越 有 毒~~天晴秋高氣爽

呢單新聞其實係BE討論區到睇到,真係嚇一跳!雖然係2007年10月既新聞~~
大部份生產商都話已經轉成份,但係........

越 美 麗 越 有 毒 ， 消 費 者 委 員 會 發 現 7 款 護 膚 品 含 可 引 致 神 經 中 毒 甚 至 患 癌 的 「 丙 烯 酰 胺 單 體 」 ， 當 中 6 款 超 逾 中 國 及 歐 盟 標 準 ， 最 多 超 標 15 倍 ， 包 括 流 行 品 牌 Biotherm 及 Olay 。

Olay 防 曬 淨 白 乳 液 （ UV ） 零 售 價 ： 90 元 丙 烯 酰 胺 單 體 含 量 ： 1.60 毫 克 / 千 克


呢支野我用左好多年嘞,又舊裝到呢款新裝~~=.="
想點?仲等我諗住過兩日再買過支新既添,哼!!!


Biotherm SourceTherapie Superactiv零 售 價 ： 430 元 丙 烯 酰 胺 單 體 含 量 ： 1.58 毫 克 / 千 克


Claudia MoistureAqua Cream零 售 價 ： 90 元 丙 烯 酰 胺 單 體 含 量 ： 1.38 毫 克 / 千 克


Fasio Extra WhiteWhitening Emulsion零 售 價 ： 70 元 丙 烯 酰 胺 單 體 含 量 ： 0.82 毫 克 / 千 克


~H2O+ 海 洋 膠 原 夜 間 修 護 精 華 （ 水 氧 緊 緻 晚 霜 ） 零 售 價 ： 330 元

三十幾年前的我與他~~~天晴

有時會諗,雖然平時同佢好似好多問題咁,但係佢真係好關心我架!
始終都係兩個個體,點可以盡如人意呢?
世界咁大,可以走埋一齊~~~~好神奇!
仲有係我地細細個既時候,已經一齊玩過架嘞!!!
老鼠洲~~舅父有間機器廠係度,咁咪成日去玩囉,原來細個佢又識我舅父過喎!!!勁神奇呀!!
到後尾要發展三聖邨呀,恒福花園呀呢d住宅,先執左間廠,大家搬開曬住lu.......
隔左咁多年之後,我地竟然會結埋婚生埋仔添!
仲要係同佢結左婚見到舅父先話好熟口面喎,問我佢係邊到住同做野,
跟住一人一句講返曬出黎,大家都好記得閣樓部"有門電視",
舅父會鎖住唔比睇架~哈..哈...哈
三十幾年前已經識既我地~~~~
諗到咁,又會將以前唔開心既野delete佢,再從新入機計過數,
咁咪成日都無壞賬囉!!!!呵....呵...呵.....

死期到~~~天晴

好期待既9號終於來臨,點知親戚無依時出現!!!!!
果一日只係有少少痛,同少少腸胃炎出現.
10號睇完醫生又係話粒瘤唔算太明顯,可以嘗試打三個月一次既避孕針黎試下減少痛楚,當時個下真係滴汗,一黎打避孕針好乸痛架!第2打完d經期唔知幾時會黎,唔定時,可以一個月黎幾次or唔黎都得?咁咪仲死!醫生既口吻好似財經佬講股票咁,唔知仲會唔會痛架,可能會可能唔會,因人而異!唉...我寧願食住避孕藥先,起碼知道幾時死期到麻....嗚嗚...
到左10號晚!!!!天~~~黎料啦!!!!!
一路由8點幾痛到凌晨4點幾!成日渣住個膠盆,一路痛一路嘔!!!仲要一路喊添!
呢幾個鐘頭未試過企得直條腰,好想伸手入個肚攞曬d野出黎洗乾再擺返入去.
半夜叫老公去訓先,第二朝要返工,唔好陪我嘞~~
點知2.幾好似貞子咁mau低行返入房,mau 係床尾伸隻手上去拍老公隻腳,
嚇死佢!哈哈哈,諗返都好笑!
好彩全程有佢咋,起碼痛起上黎有人比我mit隻手,遞下紙巾,安慰下ah.......
到今日成個人精神返曬,太陽出來了yeah!!又捱過左嘞!
老公話返比我聽,原來個晚我講得最多既係"好痛呀...嗚...嗚,真係好痛呀..嗚...嗚..嗚 .."
無嘞,跟住坐係到俟住度牆同老公訓到天光嘞~~~~

鼠馬女人~~天晴秋風起食腊味

尋晚去左元朗瀧野川食野,都幾ok好味,係凍到飛起啫,好似走左入雪柜食魚生咁呀,新鮮?
聽日又會再約埋同事一齊再去過試菜...試菜,真係好,任食唔駛找數,yeah~~~
今日返左工 , 大梁小姐係到,大魔係到,連mandy都係到呀,仲有kitkit添,睇見佢袋菜牌要打入機,真係鄧佢可憐,大家都無咩出聲,係咁dup低頭係咁做,做左都幾多野,但係都係個句,做完一大輪都唔知做左咩囉?

返屋企悶悶地,睇左d笑話,人都好似開心dddddd......
一個屬鼠仲要係人馬座既女人,真係諗得太多嘞!

Ａ：哎呀，今晚要染髮啦，勁多白頭髮。
Ｂ：染咩色？
Ａ：白色。

媽媽：小明，過呢條馬路要望住右邊呀。
小明：望左。
媽媽：你聽唔到我叫你望住右邊咩？
小明：都話望左囉！
（結果小明臉上留下個個無辜既掌印）

男：小姐貴姓call機主？
我：栗子頭call...(平時都係留呢個名)
男：豬頭？
我：唔係呀～係栗子頭...
男：淥豬頭？
我：唔係呀...係栗子頭呀...
男：淥豬頭丫嘛...岩丫...
我：唔係呀...係栗子個栗...人頭個頭呀...

話說結他條Jet線(結他駁喇叭既線)壞左小明就落街買過條新啦去到間VCD鋪，諗住影音地方會有呢D野啦小明就去問個職員：請問有冇Jet線賣呀？
職員：咩咩線話？
小明：Jet線呀～
職員：哦哦，有呀，你跟我黎,
跟住個職員俾左隻碟佢,
隻碟叫"雀聖"...

sa....sa....sa....~~天晴好鬼涼呀!

望住對腳,見到皮膚炎又返黎嘞!!!!一撻撻,紅紅地,又硬硬地,好痕添呀~~~~help~~~~
以前唔信dr.話係壓力令到起皮膚炎,但係見耐左又覺得喎,每到大時大節就黎料!
大時大節係指年頭年尾,黎緊10月中柯地既時候..一諗到d柯地他就驚....
都係成日sa呀...sa呀...呢到呢...點解會咁既...果度呢又點解會咁既?
哇.......哇哇.....嗚嗚........
分店一間接一間咁轉營,好多數等住埋終結,好煩呀佢地......

呢排公司比左好大壓力自己,日日都叫住sa....sa.....sa......
好多時要自己ot自己先做到野,可能係個人能力問題,so差囉!!!!!!
正因為咁,我願意留堂,每個人對自己能力評價都唔同,有人比自己200分~~~~
如果人地比我合格既話,我已經覺得好開心!
最緊要係唔比我合格,都唔好話我立糯囉,知唔知道呀!!!!!!!

人人都可以死古古咁order我做野,但千奇唔好諗住要我用腦,佢已經比我擺左係冰河時期!攞返出黎溶雪都一陣雪味啦........好難頂架.....

雪柜....好耐無開黎睇下!淡忌廉過曬期,發神經!!!買埋買埋d材料等過期咁,當時個下,好似連自己都想捐埋入去訓下先,過得三五七年先爬返出黎~~~
啋...啋...啋.....lu口水再講過~~~~

99歲的媽咪~~一號波

早兩日沖涼時候呀囡問我而家幾多歲,諗住玩下咪答己經99歲,囡囡當時無咩點,只係話"係咩"咁?就係咁我地玩完一輪就食飯嘞....
點知第二日老公打電話黎話呀囡喊得好悽涼,攬住佢話媽咪99歲嘞.....就黎死嘞!跟住老公咪話媽咪講大話囉....但係呀囡唔信,因為佢覺得媽咪唔會講大話既!仲走左去攬住個印印姐姐係咁喊,喊到搐下搐下咁添......真係陰公....
後黎諗返至記得,佢話大人係有100歲命既啫....所以佢咁驚囉....
唯有返屋企氹返囡囡,話自己一時講錯左,媽咪有排都未99歲,好彩佢都信~~
小朋友就係咁天真!

我點做女架?~~天晴

好耐都無係到行下寫下..
今日知道大魔爹爹情況不太樂觀,有少許感慨,人愈來愈大,身邊既親人愈來愈少,走下一個走下又一個.
忽然間,又令我想起baba同媽me,baba計起來已經有兩年多無見過面,只有係每年既報稅時候先會通一通電話,因為年年都係由大女我幫佢填既,講真已經唔係好知baba而家點既樣,成頭白髮?定係依然咁黑呢?唉....我點做女架?好驚有一日再見唔到 baba.........
而媽me呢?有心臟病,但我依然無時時返屋企探下佢,陪下佢飲茶,反而嫁到老遠既妹妹就個個禮都返去一二次睇下媽me,唉....我點做女架?
養子方知父母恩.....
我知......但係我無去履行做仔女既孝順.......
咁不孝既我,將來唔知會有咩下場呢?

亂寫一通~~

好耐都無寫過野,好悶定係其他原因呢?
足足有一個月時間,日日掛住搬屋,執箱,仔女返學日用品,樣樣都要用精神.
暑假就黎完啦,奧運亦都終於閉幕,一切都還原曬.
返工放工,日日都係咁,好悶下,人馬座既人成日無時停,日日新鮮先安樂,真係無錯!
今日天氣超好囉,好到都唔似打完風咁,曬死人.......

曇花條野~~

棵曇花個冧,大得好快!
嚇死人!!!!
無啦啦有條野伸左出黎.....初初睇唔清以為係蟲,睇真先知係花逛黎架,
個樣真係幾恐怖下........
進展咁快,我諗就快開花嘞~~
希望我唔會錯過左啦!
只要比我睇一次就夠架嘞!


7月18日早上


7月11日

7月11日

7月3日


7月頭

又黎裝修...煩

上左去新屯中睇下間屋,順便約煤氣公司開喉同檢查下d爐具,有個廚房星仔熱水爐唔著呀,又要等人整下,好煩!
老公又約埋黃師傅傾裝修d野,最後都拍板油乳膠漆,我仲揀左隻鳳仙黃添呀,呵呵呵~~~~,間主人房就油好浪漫既紫色呀~~~諗下都覺得靚(傻笑中....)......
走廊會加度門,飯廳會加個百頁窗,估唔到呢隻咁既百頁窗要成3000蚊,好乸利下!!!!!!!!
好多野要顧...都係交返比黃師傅自己諗,唔駛煩.....
到時到候收樓就得,佢不嬲都唔駛我地煩既!
但估唔到佢會同我道歉,竟然係為左上次元朗單裝修,黃師傅話唔好意思攪到我咁麻煩,真係比佢激死!應該係我超級唔好意思至真呀!要佢咁屈就~~~
不過,都仲聽得出佢好火下,所以請佢飲左杯麥當勞汽水,順返條氣,即刻無事!

迷你南瓜燉蛋

呀囡頭髮都亂曬!






倒到一身都係蛋漿,拿拿林換過件衫先~~~
個傻妹仔好鍾意係廚房跟出跟入!

北上逛街食小肥羊

曇花一現

今朝臨返工,兒...依....

棵 曇花有冧嘞,終於都有嘞!!!!!!

不過唔知係我搬既時候佢開到未呢?

好期待呀!!!!

畢業生

啱啱先話攪完個聯校結業禮,話咁快又黎一個畢業生表演比家長同老師睇既結業禮~~~
今次坐得好近,好好多.......
可以睇清楚d個囡囡,已經5歲嘞,好快......話咁快又升上小一啦,即係意味著佢要開始人生辛苦既第一步!
希望佢可以過得開心啦!
真係要求神拜佛,呀囡安安定定,乖乖巧巧咁大個女!!!!!!!

淨水觀音完成圖

終都完成曬幅十字圖啦.....前後用左大約半年.......

好辛苦...但係好好玩!

黎緊會繡多一幅比大姑奶,因為發現左一幅閃閃布,一睇就愛上佢,所以一定要繡多一次,閃閃金布襯觀音像, 靚呀!

醃南華李

2008年度--粽子

今年又包粽,但係都係幾隻啫,大老爺竟然話好好食喎，仲好食過以往既添！

多謝曬喎～～～

今年包咁少係因為少人同我食，只係得呀囡捧場．．．．

保良局之夢

折騰左一段頗長時間,終於都有消息.....
但係,仲要被一場黑雨玩下先安樂!
由6月5日開始,已經無胃口食野,一路等到7號,上天呢位大老爺又要玩下我地呢斑媽咪,黑雨喎~~~~~
公報先黎落雨,唔通連個天都唔鍾意我?
錯,只不過係上天盡情地洗乾淨條街,到8號出猛太陽被我地行出街啫!
8號呢日,好緊張......
一路係個 hall到等派小一註冊證,一路有家長想喊咁既樣,但係又有家長開心到成個人跳起!一個一個派到心儀志願,另一批就竟然去到第十一志願喎!
真係差天共地!
好彩!小蕙蕙最終都入到第一志願保良局莊啟程第二小學~~~多謝!!多謝!!
原來個天都係鍾意我既....呵呵呵....
我家大老爺好衰咁話:呀囡妳終於都圓左妳媽咪既保良局之夢!恭喜曬!不過戥妳將來辛苦~~~
哼~~~~咩呀!!!!

睇宿舍裝修

呢排都無咩心機寫卜,人好懶!
星期日走左上去睇新屯門中心間屋,到而家一次都未見過師傅出現,只憑住擺左係到盒飲淨既維他奶黎判斷有人黎過......但係間屋又真係每次都有少少進展....
但係少得可憐,唔知幾時先收到樓?
尋日"立曬嫁撐"上去度尺,成屋度曬,原來都好實用,仲大過而家海典軒,諗到呢到先諗起如果間屋大左,咁牆紙咪要用多d囉,咁咪又超不直囉!!!!!!!
樣樣少少,少少下就會多多啦.......
要禁住大老爺先得!

向無名修路英雄致敬~~

要為抗震救災加油，第一個打氣對象，是在逆境中求生的災民，以及在現場以各種方式繼續搶救生命的人員。解放軍 、搜救人員、醫護人員、物資運送人員等，都繼續夙夜匪懈工作。還有工程人員和水利人員，為堤壩防險。特別值得一提的，是為災區打通道路的工人。
向無名修路英雄致敬~~
這些不顯眼的修路工人，是在最危險的時刻在最危險的地方工作，為救援車隊打通救命之路。他們清理傾瀉下來的大量山泥，修復道路，讓載滿救援人員和物資的車隊前往震央重災區。災區餘震不絕，山泥續有傾瀉，有些打通了的道路又因餘震重新被封，工人要爭分奪秒清理，除工作勞累之外，還冒o著遭餘震崩塌下來的山泥活埋的危險。據交通運輸部公路司司長戴東昌透露，已經有二百多名交通人員在搶通時被泥石流吞沒，他們犧牲人數是各類救災人員之冠。
這些為搶修道路而犧牲的無名英雄，值得大家致以崇高的敬意和哀悼；而眾多繼續冒著生命危險在現場救災的人員，也值得大家致敬和打氣。
默哀之後，大家為災民和救災人員打氣，呼籲他們加油，其實也要提醒自己加把勁呀!

同哀同傷 加油再上

有「千歲軍」之稱的空十五軍空降兵部隊早前被派往四川救災，由於工作危險重重，有指隊員出發前均寫下遺書。近日網上流傳，該隊隊員的女友因久久收不到男友的消息，非常擔心，及後收到男友手機短訊。
　　短訊指：「我去災區了，別為我擔心，看到那麼多人被災情折磨，作為軍人我義不容辭，雖然我可以不去。我沒有告訴家裏任何人，只告訴妳。那裏情況不容樂觀，搶險救災有一定危險。記住，如果我留在那裏了，別哭，妳失去的是一個親人，那裏很多人失去的不止一個親人，那裏建好了去那裏看看，別問我留在甚麼地方。」

好感動.....看到眼泛淚光.....

十五軍空降兵部隊是國家英雄，在此向部隊成員敬禮，以及祝願他們早日平安歸家。

默哀

地震無情，人間有愛。全國昨日起一連三天為一個星期前四川 的地震死難者哀悼。平日繁忙喧鬧的香港街道，在踏入下午二時二十八分一刻，市民停下急促的步伐，暫時放下手上工作，靜默三分鐘；毛毛細雨下，只餘下汽車輪船的響號，沉痛哀思充斥大街小巷。不少市民難掩傷痛，為災民和死難者流淚痛哭。
在公司附近的內河碼頭 ,船笛聲响起來,聽得人的心很不舒服,好像有重重的石頭壓住一樣!

變變變生命力

係MD.WONG手上慘遭辣手摧花既一株木蘭,係毫無希望既情況下
原本諗住當一棵花咁插下,裝飾下,等佢枯左先掉左佢,
葵葵問:莎...呢粒係咪根黎架?
竟然偷偷地生左粒根出黎,簡直係驚喜呀!
但係令人擔心既係佢D葉已經軟軟下咁.....
唔知捱唔捱得住,等D根強壯D呢?





呢棵係毛毛既大白菜呀,又開花開到無停,
幾時先會抖下呢?呵呵呵.....
雖然唔知咩名,不過花花好高貴架,絲絨紫藍色~~~
係太陽下仲會閃閃下,超令令~~~

駭人的地震

今天,下午二時二十八分....四川地震了......
四川汶川7.8級地震中已知有逾百人死亡，其中四川有中學倒塌，可能有900人被埋。
映秀鎮....很好聽的名字......
但只需要這三分鐘,這裡一切都化作地獄般.......
初初也不以為然,地震這名字常常聽到....不是日本,台灣,南亞等地區先會發生大而強的嗎?中國...竟然在袓國發生!
隨著新聞報導,得知當地情況真的水深火熱.......震央在四川汶川,但全國也感受到,餘震也要數上五千次以上!
上天為甚麼要他們受這種苦?
他們到底犯了甚麼過錯呢?

青芒果沙律

材料: 青芒果 2個

蝦仁 10隻

沙律醬 適量

練奶 少許

製作: 將芒果刨絲

加入蝦仁加入

再加入沙律醬及練奶

撈勻食得

母親節

今年母親節,同仔仔蕙蕙老公係屋企煮飯慶祝,

整左幾款佢地斑大帝食下,都忙左成日!!!!

好攰下**"

有~~1.煙三文魚鮮生果沙律

2.白酒煮新鮮青口

3.煲仔焗薑蔥蝦

4.香煎特大多春魚

5.和式拼盆

6.三文魚刺身

7.氣水

食到佢地行唔郁~~~

做媽咪最開心就係見到佢地食得開心.....

母親節係用黎話比仔女聽"媽咪煮既餸係最好味"既日子,

而唔係休息嘆世界既~~~