織女~~天晴

一年過去, 我地做會計既最忙....又可以講唔忙......
但係好似好多野未攪掂好咁~~~~
望住日曆,一月話咁快已經過左7日~~~~日子去曬邊呢?
係星期六果日,毛貓話想繡幅十字繡比呀龍公子做生日禮物,咁咪同佢去左置樂買材料,唔知佢有冇恒心呢?因為睇佢開始繡既時候,我同佢都好想嘔呀......
我都唔執輸,睇中左一幅觀音圖,初初都唔諗住買, 點知shirly攞左幅完成圖比我地睇, 靚到飛起,一睇之下就拍板買左幅$328既黎玩下,玲姐都好好野,一玩就玩幅勁既富貴有餘......希望佢繡到啦!
大家不知不覺間就做左織女,連成日整爛野既小儀都買左個菇菇黎繡下,手機扣黎架,好得意,其實毛貓都可以試下先,唔駛咁辛苦麻,包括埋我,呵呵呵..........