兩餸冇湯,白飯唔夠裝~~天晴

放左工屋企冇買餸......因為工人返左印尼呀......
老公本來話叫外賣算, 但係一叫外賣我就會一種內疚感....做人媽咪同老婆點可以咁呢?
於是走左入惠康買餸嘞!

無無聊聊咁煮左餐飯....雖然好簡單,都好好味,幾仔乸唔夠飯食添.....因為冇諗過咁開胃~~~
所以煮少左米~~~



蝦醬蒸豬面青



材料:豬面青一件,大約12蚊
蝦醬二茶匙
薑絲適量

調味料:豆粉,糖,生油各少許......
另少許開水

方法:首先將肉切片,加入調味料,再加入開水
大火蒸10分鐘
攪掂

金菇肥牛卷




材料:美國肥牛片一盒半磅
金菇少許
日本燒汁

方法:將金菇洗淨,撕開細細扎
　　 將金菇放係肥牛上面,好似捲棉胎咁捲埋佢
用牙簽固定
用中火煎到金金地香香地
攪掂上碟淋D燒汁食得