默哀

地震無情，人間有愛。全國昨日起一連三天為一個星期前四川 的地震死難者哀悼。平日繁忙喧鬧的香港街道，在踏入下午二時二十八分一刻，市民停下急促的步伐，暫時放下手上工作，靜默三分鐘；毛毛細雨下，只餘下汽車輪船的響號，沉痛哀思充斥大街小巷。不少市民難掩傷痛，為災民和死難者流淚痛哭。
在公司附近的內河碼頭 ,船笛聲响起來,聽得人的心很不舒服,好像有重重的石頭壓住一樣!

變變變生命力

係MD.WONG手上慘遭辣手摧花既一株木蘭,係毫無希望既情況下
原本諗住當一棵花咁插下,裝飾下,等佢枯左先掉左佢,
葵葵問:莎...呢粒係咪根黎架?
竟然偷偷地生左粒根出黎,簡直係驚喜呀!
但係令人擔心既係佢D葉已經軟軟下咁.....
唔知捱唔捱得住,等D根強壯D呢?





呢棵係毛毛既大白菜呀,又開花開到無停,
幾時先會抖下呢?呵呵呵.....
雖然唔知咩名,不過花花好高貴架,絲絨紫藍色~~~
係太陽下仲會閃閃下,超令令~~~

駭人的地震

今天,下午二時二十八分....四川地震了......
四川汶川7.8級地震中已知有逾百人死亡，其中四川有中學倒塌，可能有900人被埋。
映秀鎮....很好聽的名字......
但只需要這三分鐘,這裡一切都化作地獄般.......
初初也不以為然,地震這名字常常聽到....不是日本,台灣,南亞等地區先會發生大而強的嗎?中國...竟然在袓國發生!
隨著新聞報導,得知當地情況真的水深火熱.......震央在四川汶川,但全國也感受到,餘震也要數上五千次以上!
上天為甚麼要他們受這種苦?
他們到底犯了甚麼過錯呢?

青芒果沙律

材料: 青芒果 2個

蝦仁 10隻

沙律醬 適量

練奶 少許

製作: 將芒果刨絲

加入蝦仁加入

再加入沙律醬及練奶

撈勻食得

母親節

今年母親節,同仔仔蕙蕙老公係屋企煮飯慶祝,

整左幾款佢地斑大帝食下,都忙左成日!!!!

好攰下**"

有~~1.煙三文魚鮮生果沙律

2.白酒煮新鮮青口

3.煲仔焗薑蔥蝦

4.香煎特大多春魚

5.和式拼盆

6.三文魚刺身

7.氣水

食到佢地行唔郁~~~

做媽咪最開心就係見到佢地食得開心.....

母親節係用黎話比仔女聽"媽咪煮既餸係最好味"既日子,

而唔係休息嘆世界既~~~

白酒煮新鮮青口

材料 : 新鮮青口 2斤
白酒 250ML
鮮忌廉 少許
芫茜 少許
蒜頭 5粒
薑 適量

製作 : 青口首先出水備用
1.用牛油起鑊爆香蒜頭及薑
2.落青口炒2分鐘
3.落水蓋過青口面,給蓋焗一陣
4.加入鮮忌廉及芫茜
5.煲滾5分鐘便可以上碟

煲仔焗薑蔥蝦

材料 : 海蝦 1斤

紅蔥頭 幾粒

薑蔥 少許

製作 : 1.洗乾淨蝦擎乾水

2.用砂鍋燒熱油

3.下紅蔥頭及薑爆香

4.落蝦加蔥兜勻給蓋

5.焗5分鐘到贊酒

6.收乾汁便可以完煲上枱

白鹵水豬手

今日LING 姐好快手咁攞左豬手比我.....好重架...唔該曬!
呢度白鹵水豬手好易整,又好味...啱曬老公胃口....

豬手可以凍食同熱食得架!

材料: 豬手 一對
鹵水料 10蚊(藥材舖有售)
鹽 2湯更
雞粉 少許
冰糖 一粒(好似一個兵乓波大小)
白醋 1湯更

醉汁 : 古越龍山酒糟 2支(惠康有售),加入冰水撈勻便可.

製作:1.先洗乾淨豬手,出水,倒出黎再洗乾淨D灰色泡泡(污漕野)
2.煲滾4-5公升水,放入所有材料一齊煲返滾,收細火再慢慢煲佢一小時
3.撈起沖水,用盆裝住,用白醋撈均勻,等20分鐘,沖水
4.跟住用個大D既盆裝住,"啤水",一路開住細細水喉沖水,大約10分鐘
5.停左水喉,加入冰粒一大盆,作用係冰鎮.
6.等到D冰粒容曬,再等多10分鐘到就可以用醉汁浸住擺雪柜過夜.


鹵水連豬手一齊煲一個鐘


完成後放醉汁中浸過夜就食得!

HYTHIOL-C PREMIERE

啱啱新嚐試!!HYTHIOL-C PREMIERE

係老公准許情況下,終於走左去試下.....

唔知會點呢?

三支裝....$1,188.00

打風後的花園~~天晴

係19號打三號波既夜晚,D花花比風吹到訓曬係地到,

好似細路仔紐計咁, 碌黎碌去,睇見都牙煙!

但係係第二朝,天氣出奇地好好好喎,係好到不得了個隻呀!

D花花亦都開得好快,仲好靚添......

雖然棵玫瑰花有D打殘左黃左D邊,但都好靚,

而棵蘭花就無懼風雨,依然明艷照人呀.....V....U....VEET.....

好一棵風雨蘭~~

仲有排開呀!!!YEAH!!!!

華天龍與靚海灣~~天晴

華天龍黎左香港嘞!

係屋企都望得好清楚,唔知幾時先可以打撈上黎呢?但係撈到上黎都唔係咩野樣LU.......

真係可憐,死左係海底咁多日.......到而家都仲未入土為安!

希望佢地早日安息啦~~~

影影下華天龍,又見到黃金海岸好靚,忍唔住又影抵佢留念,

因為就黎又搬嘞!

一個露台可以睇曬三個海灣,真係好靚呀!

先黎青山灣

再黎咖啡灣

再跟住黃金海岸....唔怪得賣得咁貴啦!!

雪豹女Snow Leopard~~天晴

今日係網上花友仔幫忙下,終於知道葵葵棵紫羅蘭係咩嘞!

登登登...登......係有名有性既-----雪豹 Snow Leopard

勁呀....咁都買都呢棵好野返黎!

愈開愈靚女~~~

日本的手信~~天晴

今日收到姑仔係日本帶返黎既手信,佢好有心咁買左好多返黎~~~
好重下架,多謝曬呀~~~
佢臨上機前我叫過佢搵下有無日本風栗,但係無囉.....原來祖國既物產行銷海外架,所以KIT搵極都只係得天津甘栗.....唔知係咪出口所以靚D,D栗子真係好食DD喎!

呢把係買比小蕙蕙既KITTY遮


呢D係部份手信,種類太多未能盡錄......
但唔知係咪我地對數數目太頓,所以林玲又錯數嘞
110變100

和果子粟曼頭--天晴

今日同個女整左粟曼頭,味道一般啦......

小蕙蕙就好有心機整,都好既....似番個女仔!

花花世界~~天晴

初夏就到嘞....屋企既後花園d花花係咁開花嘞.....

小蕙蕙既一串紅....一世都咁紅!


種左成年既臭草......竟然都開花喎....佢已經為我出過一分力,
就係綠咁沙嘞.....


呢棵係前年新年係花墟買既蘭花......接住第三年開花嘞!
依然係有兩菖花蕾,數過有成40幾個花冧,
希望佢會好似上年咁開到滿曬啦!

行根桔~~天晴

呢幾樽咸柑桔已經出曬水嘞....

好神奇,首先出水,跟住變黑,跟住話可以消熱氣!

只係用鹽醃就會出水喎!!!中國人既秘方真係勁~~

2008年2月29日入樽

2008年4月6日影既~~

今次落得多鹽得滯,出年會少d!

好唔開心.....天晴

好唔開心.....點解係都要拗呢?????
係咪一個大人要同細路爭到底呢????
家和萬事興,好難明咩????
就黎痴線......個心好唔舒服......
成日驚佢地一句唔埋就嘈交......
送走左個仔.....寧願少見個仔一面..都唔願見佢兩父子嘈交......

做媽咪既我同個仔講道理,要佢同爸爸道歉,當係大家睇錯左.....仔仔話知道....
但係爸爸呢?.......一句大大聲"唔滿意佢咁態度同我講野呀!""點解要我當睇錯呀?我無睇錯喎!"
我當堂眼淚直飆......係咪要做到咁呀......一餐飯食到一半個個食唔落.......
佢啱曬,咩都係佢啱曬!!係佢身上唔會有錯誤發生!
佢最錯係比我生左呢個仔!

點解佢唔可以當比個面我呢?已經整曬下台階.......
係咪要計較到底呢?
睇返上次日記訴苦已經係兩年前既事,精神已經極度緊張.....
好辛苦......仔仔一星期返黎一次.....每次我都好驚......好擔心.....
而家將會一星期都見唔到一日嘞......
因為我會叫佢一放學就去呀婆到住.....我會過去睇佢.....
唔知佢咁安落未呢?

我欠左個仔既心結愈纏愈實........

朱右力芝士蛋糕......天晴

今日整左個朱右力芝士蛋糕......
仲特登買左盒大士多啤梨黎整添......好甜呀....
但係懶諗裝飾,所以求其劃左d古古力花就算!

重見光明~~天晴

重見光明啦!
封閉多時既卜終於都可以開返!
係我笨莎set左d e-mail情況下,ling姐同敏敏話睇唔到我個blog喎!!!!原來我打錯曬d 登入朋友既 e-mail呀~~~~~ 咁啱有晚我電話又唔通,攪到我個妹滕曬雞,以為我有咩事唔出聲,haha...多謝關心..我無事...係有d無聊人copy我d野再加以修飾話係我講啫,咪封左佢囉!
已經得到高人幫手,而家已經可以重開任睇唔嬲!
如有錯漏 ,希望大家多多包涵呀下,唔好以為我唔比妳地睇呀!!!!!!
要麻煩大家攪咁多野先睇到我個blog.....麻煩曬,麻煩曬......

MINNIE一路順風~~天晴

今日係minmin最後一日係公司返工嘞 , 我地一斑同事又一次東華籌款成功,得到廣大支持
,再加埋我地平時死閒死抵賣d下欄野,終於籌到二千幾蚊,yeah~~~~

我地目的地係市廣場既"甘味",
去到先知服務好,味道佳,用料新鮮到無人有,樣樣都verygood呀**"
我己經將呢間好野列入左"舒特拉的名單"!不過....
要公道d講句,佢既烏冬真係好好味,好彈牙架...呢個係推介!

最令大家笑爆肚既係,minmin誤會左梁小姐既心意,呵呵呵....呵,好彩埋單都係8舊咋,差d大家要齊聲多謝minmin,跟住我地仲要黎個"哋恤"添,就係許留山既奶西嘞!!!!!勁!係奶西.......唔知邊個改d咁好既名?
我地既送別宴越黎越特別 , 日本菜加許留山~~~~

祝minmin前程似錦.....鵬程萬里!