今日同個工人返深圳過一過關, 點知真係有驚無險,佢比人扣留左問話!
最慘係我地過關吾同層數架, 佢係上面,我地係下層, 出到關口吾見左佢喎,咁咪硬著頭皮問d公安可唔可以入去搵返個工人,初初都吾比架, 後尾見我地真係搵人先比我地行入去咋, 原來係比公安話佢上個月見過佢, 奇怪佢點解渣本新visa入境,所以要佢問話,同埋簽張吾知咩書, 佢出返黎果陣嚇到咀唇都白埋, 腳都震!佢好好笑咁話太太大陸真係好恐佈架, 快d走啦!因為之前我話過比佢聽大陸d人係點點點,係大陸吾見左係搵吾返架~~~佢話真係好驚返唔到出黎呀, d公安又吾比佢打電話比先生同太太, 好彩最後冇事咋!
點知夜晚我老公懶叻咁同我講話慳左4百蚊,原來係可以叫僱傭公司幫手帶佢過關架, 仲係用印尼人帶添, 咁咪可以同佢一齊係渣visa條通道過關囉,有個照應唔駛咁驚!我咪話佢下次唔好慳埋呢d錢, 有時錢係要比人架!真係激死!
沒有留言:
發佈留言