深玔稻香集團--領鮮~~天晴

3月1日同班同事同舊同事...有大姐 ling,細ling,anna,yy,毛貓,葵葵,小小儀,維琪,一路剷上深玔稻香集團既領鮮......咩咁..... 首先我地係上水等再搭火車到羅湖過關,好鄉下妹出城呀....好瘀呀....我同葵葵一路排隊一路都覺得唔對勁...好似有d唔同平時咁... 原來真係唔係我地排架,係65歲以上用架...咁我地咪啦啦聲走過去呀毛到排囉,點知又係排錯架!原來個靚靚關員一路都有同我地用國語講:這邊是登記的,持咭過關請到那一邊!4個人瘀到爆即刻跑返去第二邊過關......好瘀不過好好笑囉!

第一站係:北京同仁堂,我既心水掃貨點,買左無花果乾,兩樽黨參蜂蜜,阿膠蜜棗(好好食),買左200蚊人仔.

第二站係:領鮮嘞,$148一位,環境好好,細 ling冇介紹錯呀下,我同小儀同vv攞到成枱都係野食,好啱我胃口,又唔駛爭攞野食,不停有供應,但係得兩個鐘頭食咋,好彩個侍應埋黎提提我地,如果唔係要比多次錢,點食得落呀?個個食到行唔郁,想嘔咁款.......不過到而都記果條辣到飆汗既青尖椒呀...有病架,辣到咁都有既?果舊超油益既鵝肝蒜蓉包...嘔.......

第三站係:wallmark.....規模冇上次係南山個間咁大間,得一層.....有d迫既感覺....買左兩包小肥羊,原本諗住買多樽光明酸奶,但係覺得好重都冇買到, 好彩冇咋....差d死呀...... 個個食到飽到上心口,頭又痛,肚又痛,vv仲想疴添.......睇見佢都辛苦呀........

細路仔樣,大人思想~~天晴

又到左月尾既日子~~

今個月好快手咁完成手頭上既工作......唔知係咪因為有約會呢?

尋日一放工就返屋企,小蕙蕙就已經好開心咁拉住我傾偈,佢好開心呀,因為佢要代表學校參加校際歌唱比賽,佢好緊張,又講比我知要化妝要換一條紅色既短褲仔,睇見佢笑到咁,都比佢感染到小小緊張添~~~唔知佢會唔會怯場呢?

跟住仲同佢傾到將來既問題,佢既志願改變左嘞....

1.警察

2.飛行服務隊機師

3.護士

4.的士司機<-- *.*"

我好似呀毛咁同佢講,做咩工作都好,生活背景都好緊要,千其唔好做出一d影響個人操守既行為,初初諗住佢唔會好明.點知佢好明白我講咩道理,佢識答:如果將來做左d唔乖既行為,公司老闆係唔會請佢既!讀書叻叻都冇用!

好野呀下,而家d細路真係估佢唔到~~~~

我真係好鍾意同小蕙蕙傾偈!

細路講野同思想都好直接,唔會轉彎換角,大人反而會學到野~~~~

土茯苓同牛大力~~is falling~~~~

放工約左毛貓同葵葵去置樂買土茯苓同牛大力煲水飲,去濕呀...呢排d脷胎好厚下.....

最緊要係奶奶出到聲想飲,做新抱一定全力以赴...呵呵呵......
黃蔓莎呢份人一定要有足夠推動力先會郁身.....呢d唔通就係呀莎力?

葵葵同毛毛仲介紹左一隻貴花牌洗頭水同護髮素比過我試,國貨信心保證!

費事唔記攞 d mask比安娜既情況下,好重咁攞曬返公司嘞.....希望果日記得攞啦!

浪漫滿屋~~下午天陰

盡量係唔會有影響下改下個blogger~~~

因為聽講過毛貓曾經攪到個 blog都冇埋,好驚呀~~~

因為太悶啦....

而家攪到幾浪漫下......啱曬我呀...粉紅色加粉紫色......

仲有幾粒蒲公英飄飄下咁~~~~~

ZZZ....Zzzz....zZZZZ....

肥肥再生~~天晴

今日做左兩次接生婆,呀麥飛飛同鮑汁螺片轉世代啦~~
其實已經養左幾多隻mero呢,真係唔係好記得添......:p
呢排仲好賤格咁養多隻人肉執珠機添,淨係一味執執執........不過我都幫佢改左個蠻好聽幾少女既名:麥妮呀~~~~好女仔......
首係小蕙蕙-->跟住係咩呢-->仲有麥飛飛-->到而家係麥肥肥
另一隻係小政褀-->跟住又係咩呢-->仲有係鮑汁螺片--->到家係到麥波波

肥肥係特登為左紀念肥肥而改架!

神機妙算!!

今日又玩左果姓名測試,係咪真係咁呢?

網址 : http://www.fatemaster.tw/name.php

黃蔓莎 的感情分析
女生
*未來是個賢內助，對於另一半非常照顧呵護
*嚮往家庭生活，有老公的疼愛及可愛的小孩是最大的心願
*對感情很心軟、容忍度很高，除非對方劈腿、太過份，否則不會輕易分手
*性愛上很配合另一半的需求，懂得討對方歡心
*天生的感情變化雖然較少，但若有波折就非常痛心

黃蔓莎 的內在想法
女生
感性大於理性，感情豐富，是個性情中人
*熱心助人，在朋友有難時定會拔刀相助，但有時又太過雞婆
*本身較無法控制脾氣，容易情緒化
*遇到問題時會顯得反應比較激烈，沒辦法冷靜
*容易把簡單的事搞得很複雜，令人難以理解

黃蔓莎 的外在行為
女生
*不拘小節，所以個性非常阿莎力
*缺乏圓融性，在與他人溝通、協調上較不易互相配合而堅持己見
*有利益必爭到底，不會跟自己的金錢過不去
*有時唯利是圖過頭了，會讓人覺得像個勢利鬼
*懂得為自己節儉，不會隨便浪費

我係一個勢利鬼,唯利是圖,又係有時雞婆<---咩黎架雞婆,哈哈哈......
仲有呀莎力添....都係唔知係咩.....

咩都係錢~~天陰有小雨

今日去左余仁生買海底椰同川貝同陳皮,三服合共220蚊到.果d海底椰成90蚊兩,陳皮90蚊兩,川貝100蚊兩,d真葯材真係好貴下...不過冇計,老公好咳下......
呢兩日見到奶奶都放低左心情,情緒都ok喎,真係放心曬~~~~
但係呢排d殯儀全部full曬,要排到3月19先有位,好耐下,感覺好唔舒服咁...擺得太耐嘞.....

尋日同大魔毛貓出去偷行街街,見到d洗衣機好抵下,1000轉乾濕兩用6磅機都係5300到,好抵呀!!!
希望3月結果會抽到啦!
計計下,搬一次又要用成6萬蚊,好肉赤呀!!!好彩搬屋果時警察部送部新雪柜啫,都可以慳番幾千蚊,好過冇,呵呵呵........

無言~~~天晴

今日係正月十五元宵節 , 但係太公去左嘞~~~奶奶好傷心!!
難道真係一語成籤?
我諗佢一定好難過........
原來人話走就走架嘞,唔會出通告!
其實太公由我嫁比老公到而家,都見唔到十次,十隻手指數得曬,記得佢係細細粒,矮矮地,好瘦,一頭白髮.......鍾意玩下馬仔咁.........成日激到奶奶扎扎跳T.T......

好孤獨, 以前一個人住,今朝五點幾一個人走左..........

大病初癒~~天晴

由12/2到而家,終於都精神好多啦~~~足足9日~~~病真係好辛苦呀!

睇左三個醫生,用左一千蚊,好彩都ok啫.......

又時唔係行運醫生醫病尾既,最緊要係醫德,求其同唔求其差好遠.....

呢排d天氣好似好番好多, 暖暖地.....好舒服呀~~~

d柑桔已經好曬, 準備入樽......唔知會唔會發發發呢?

參觀宿舍~~天晴寒冷

年初六嘞~~~好快已經冇曬新年既氣氛~~除左D人派利是果陣時...呵呵呵....
係尋日特登放左半DAY去睇宿舍,首先睇左心頭首選既屯門市廣場,一個19樓一個8樓,19樓果個都OK既,但係就要大裝,有D唔捨得,但係8樓果間真係嚇得死人,一開門已經一陣爆屎渠既味攻埋黎!!

嘩!!!!!望入去首先見到地下一堆由牆跌落既灰泥......天花滲水呀!!!!!!地板D塵成吋厚,污漕不特止,仲要望住人地墳墓兼望善慶古洞D骨位喎,裝修到皇宮咁都冇用啦~~~跟住成家人去左睇新屯中,比我預期中好好多......每座門面有D似嘉湖山莊,連大堂都係差唔多,環境好好,好多地方比小蕙蕙玩,好靜,最好係好少北菇,好過而家一行入天水圍咁,以為返左大陸~~~

最後家庭會議通過,只選新屯中!希望順順利利啦~~~~

黎緊警察部會收返層樓返新一次先交樓架,唔知到時又會點呢?

呢個係房窗,好大個窗台

呢個係廚房,好大架,仲好乾淨添,不過好多野都貼住政府資源請勿棄置

係廳窗望出去既屯門河景,其實係海水黎架

係主人房仲有入牆大衣櫃添,係用政府既木材做架,超硬淨,敲下手都都痛

新年新BARBAR~~天晴寒冷

日記~~係咪真可以記低一D唔開心既野呢?呢單野真係好想寫低,等自己有個警惕,下次唔好再幫佢,

大老爺講既真係道理~~~~~~咩野人生咩野肉~~~

佢地既行為就好似叫完雞唔比錢!

修養唔係人人有,傻亦都唔係人人識扮~~~~

一開始就係一個騙局!!!!!!!!!

好一個愛生事家庭!!!!!!!!!

新年就到!尋晚終於的起心肝,同大老爺出去買BARBAR,因為大老爺好嬲下,所以搵D野攪下囉~~

一買就買左6個同8條unun....盛惠$19xx.00

sales姐姐仲入黎試身室幫我帶添,佢叫我帶返75C先啱,佢話我D肉git曬上去嘞,攪到架勒底好多脂肪,要帶c杯先啱,就係咁我呢次就買左6個c杯黎帶,帶上去包曬成個胸,真係好舒服,原本唔諗住去華歌爾買,但係大老爺話要買好d,唔好帶到生野喎....呵呵呵....

我仲等登要左個深紅色 ,過年嘞,要旺旺佢!!

兌現JOEY~~都係天寒地凍

全日就係天寒地凍情況下進行,天光就出發去赤柱,到下午成兩三點先返到屋企,超攰呀!
訓左一陣先出發去睇JOEY
生日禮物終都兌現左嘞,容祖兒演唱會.....
全場都好好睇,但係大老爺就悶左DDDDDD囉,不過佢下次話會整張燈牌比我去做粉絲喎,係會場仲見到蘇志威一家,佢囡囡都好大個LU...而劉小慧呢就相當肥下...真係估唔到....."**

凍死左~~寒冷天氣持續

實左太凍嘞,要同囡囡請日假......

今日同斑哨街精同事去置樂行下,唔咁樣形容唔得,咁鬼凍都死出去!!!!!

係冇皇管之下,大家行到成3點先返歸,毛貓仲睇中左盆洛神花添,超靚靚呀,好多個菖,成13個喎~~

佢仲買左幅bb鴨既十字繡,幾Q架!

繡花架~~寒冷天氣警告

終於都攞到手嘞,老公幫手砌好左,又真係幾好用喎,如果天氣唔係咁凍,我諗仲冇咁倫盡呀,因為又多衫同太凍要翹腳坐~~~但係都好好啦!

好開心,又有一件新玩意仔~~~老公仲幫我影左張沙龍喎.......

呀蕙蕙仲送左幾張貼紙幫我整靚個架添~~~

佢竟然話仲有好多位喎,不如貼滿曬佢啦~~~

繡左大半個月既觀音圖......就黎一個月既觀音圖......1/3唔夠呀!!

幾時先會繡好呢??????

蘿蔔糕TAKE2~~寒冷天氣警告

蘿蔔糕真係好易整,但係好辛苦囉~~~4斤蘿蔔已經整到手軟!

但係自家製又多料D喎,但係一定冇亞硝酸鹽先!

睇電視見到都比佢嚇一嚇!!蘿蔔糕D人都唔會擺好耐啫,駛唔駛加D咁既野呀?

凍到死食凍蟹~~寒冷天氣警告

今日又食凍蟹,唔凍既日子唔食~~~~又係拍住打邊邊


一隻蟹有12寸橫喎,係海到比佢鉗住唔知會點呢HAIR~~~~
我好似同佢搏鬥緊咁,不過真好好味~~~

揀揀揀~~~天陰,寒冷天氣警告

好凍呀~~~得10度咋,水喉d水仲凍過雪柜d水呀!
隻手撻傷口已經第五日啦,冇咩痛啦,只係有少少紅紅地,不過真係好核突呀果條黑線......
聽日又要再揀小學,好煩惱~~~~點好呢?好多野要考慮,最驚到頭來千揀萬揀,揀著個爛燈盞!
嫁錯老公都話可以立即離婚,幫細路揀錯學校,真係難攪,一轉校,其他學校就會諸多阻撓,考完呢樣又考果樣.......唉........

耍花槍~~天晴,少少凍

23號嘞~~好快新年嘞~~
尋晚同老公出左旺角攞鞋,都ok啦~~但未達到心目中要求,算啦~~~
好眼訓,有成兩日未繡過野,諗住抖到星期五攞到個架先再開工,真係太攰,要休息下,
尋日係公司,見到mc同mrc係到玩花槍,一返到黎先黎一齣大龍鳳,mc大鬧mrc:點呀..係咪睇下都唔得呀......關你咩事啫.....咁mrc只可以唯唯諾諾咁答:問下啫問下啫......呵呵....mc都費事啋佢咁款...
點知轉過頭比我企係到見一幕好震撼既場面,mrc係到撩mc講野,mc話關我咩事啫,mrc突然走過去攬住mc,仲mit佢個雙下爬喎,mc即時笑番咪啦,幾sweet sweet呀,點知mc見到我睇住,超唔好意思呀.........咁咪幾好囉~~~~
又引證左老公呢樣野係好有用既~~~~~搓圓禁偏咩都得呀!

生活必須品~~天晴

尋日終於都割左粒野嘞......
好驚....一路等醫生一路都好驚呀...醫生遲到喎....要我驚多8個字....
打完麻醉針開始已經想嘔,原本唔駛老公陪我入去做手術,但係到最後一刻都係扯埋佢入去,老公全程同我傾計,同佢傾左一陣問佢點解仲未做架?佢話已經攪掂嘞,嘩...真係咁快,一d都唔痛添.....
只係聯左一針,我好記得果粒松果形既肉粒,都幾Q架喎.....而家就口爽....諗番都不知幾驚........
黎緊星期一拆線,睇埋REPORT,希望冇野啦!
係今次過程中,我感受到老公呢樣野既作用,係好緊要既,女人唔可以冇老公,老公可以有多種用途,可以陪食早餐,可以用黎發洩情緒,可以用黎鬧下, 夜晚又可以用黎咩下,驚既時候又可以依靠下,仲有無限既用途,原來有老公係身邊真係人都會定D架........
老公....真係女人既生活必須品!

割左我忽肉~~天晴寒冷

尋日去睇左醫生,仲約左星期一去做小手術,割左佢攞去化驗......要縫一兩針呀...好驚呀
希望冇野啦~~~~~
黎緊星期日會回暖嘞,打算去大澳還神同順道行下,好耐冇去過嘞.
得閒要去買d野佈置一下屋企先,過年嘞,
仲有19日就鼠年,老鼠大曬!!!!!
諗起要大掃除就想訓陣先~~~~

養不教父之過,甚麼是教呢?~~天晴寒冷

死者是近年吊頸喪生事主中，年紀最小的女童。○一年十月，比她年幼兩歲的童吳迪瑋（七歲），疑因中文默書不及格，在元朗朗屏錦屏樓，留下一紙「自己默書不合格，對不起爸爸媽媽，保重身體及照顧自己」的遺書，在大廈走廊墮樓身亡。
睇到呢段新聞,心好酸....亦都覺得好難做人父母........
過份呵護,會變成溺愛~~令到小朋友不懂成長
放鬆管教~~又怕佢拖懶自己
緊張學習~~又怕對小朋友造成壓力
小朋友既心事真係好難捉摸,佢地年紀細連帶心眼都細,小小既事發生左,對佢地黎講可以係天大既難題......佢地唔需要接觸社會,所以默書都可以睇得好大,因為呢d就係佢地既生活責任......
我成日都提住小蕙蕙,要佢記住自己既責任係咩野,小蕙蕙亦無時無刻記住:我既責任係努力讀書,聽老師既說話,要孝順父母家人,乖乖地個小朋友~~
而家諗番轉頭,我係咪比左好大壓力佢呢,老公成日都叫我唔好咁啦...個女頂唔順架.....
我係咪要放鬆自己先呢?
對michael仔我唔會再話:你大個啦,你應該要點點點........你仲細,等你大個先會明咁,而係會改口講:嗯.....你呢個年紀,應該可以做到架嘞.......效果又幾好喎,我可以從身心發展解釋比佢知對與錯,係跟兒童心理學既書做架,起碼唔會令到小朋友誤解,一時話我大個一時又話我細個,咁到底大定細呀?全部都係妳地d大人講曬~~~
教細路點解咁煩架~~~ help~~~~

賣年花~~天晴寒冷

呢排繡野繡到條頸梗左.....好痛呀!!!!尋晚貼左塊老虎膏布,情況好d啦,不過夜晚訓訓下郁下都痛醒,

不過我真係好鍾意幅圖,所以我一定會繡埋佢.....

就黎農曆新年嘞,今年特別想佢快d黎咁,唔知點解呢?

老公同人夾份係荃灣投左檔年宵做呀, 賣年花,今年唔知係咪真係咁好景,咩花都一早比人訂曬,花場都冇咩靚花賣,好彩老公識人可以一早留左啫......原來一盆四季吉花市賣56百蚊,實際來貨成本都唔駛100喎....希望佢地生意興隆,我就財源滾滾啦,呵呵呵......

黎緊我地會去買盆大吉返屋企擺下,有氣氛d麻!

等我今年又浸多幾樽咸柑桔先,攞黎送禮自用都好~~~~

睇者有份呀!!!!!!!!

善用食水,對得住"水"~~天晴

係電視到睇到華光功德會既水窖行動,唉~~我不嬲都唔睇呢d節目, 因為怕喊,點知尋晚因為要完成毛貓幅繡繡,所以睇左, 真係慘到冇人有......喊到我死死下咁......
水,對我地香港人黎講真係一文不值,朝早夜晚刷牙可以開大個水喉由得d水係咁流走,懶得去栓水喉,洗完面攪掂曬嘞先去栓左佢......佢地飲既水係灰黑色泥黃色架,要行幾個鐘擔返屋企煲左再沉澱先可以飲得入口,但係都係污糟都不堪,果d水連淋花我地都會嫌污糟,我地點可以再咁生活落去呢?

好多人都會話點可以同佢地呢d人黎比,大家生活唔同,
但我既感覺唔係話叫我地好似佢地咁唔沖涼唔洗面,只係需要善用食水,起碼對得住"水"先,可以栓水喉既時要栓左佢,唔好比佢係咁開住........沖涼選擇用淋浴盡量唔好浸浴,洗完菜既水可以淋花咁囉,我諗都唔會好難做到既......

善用食水,d人會話講就容易!
但係我諗以上幾種情況係普遍香港人會發生係自己身上既習慣,如果只改變呢幾種壞習慣, 我想都唔會太難囉,係咪?其他要出錢出力既事,到第日有能力先幫幫手囉~~~~

誰願放手~~天陰陰

十年過去啦......呢隻蟹終於都鬆綁........

一張本票,大筆一揮~~~

賠上金錢,換來輕鬆,值唔值得呢?真係見人見智......

人應該學識放開 ,雖然講從來都比做容易,但係有d野唔應該堅持就應該放手.....

希望呢個係一個好開始!!

今日天氣陰暗,連帶人體力都down落黎,不過心情冇down喎....唔知係點解呢?呵呵...呵...呵

涼風輕輕吹過,悄然進了我衣襟.........

呢排唔知做咩,冇咩點去廁所,有得去又好似冇去過咁,但係個肚又冇谷住喎,又冇唔舒服.....

連平時一食就會清腸胃既火龍果都冇反應呀,好似停左係到咁款~~~

我仲係日日食一個喎,都冇料到, 想點?

冇咩特別~~天晴

尋日係公司不停咁繡繡繡.......
差唔多完成嘞!!
繡野真係好用精神,呢兩日都好攰呀~~~
係屋企睇到澳門個廣告,我都好想去旅行呀,好悶,係年尾時候,特別想去玩下,
不過唔知係咪上年過去澳門落雨,攪到有d驚驚地,放煙花都要就住就住咁,唔可以盡情咁玩,
唔知今年有咩節目呢?
叫做埋完數,個人就成日想整野食,黎緊會整凍豬手,老公好鍾意食,但係要食少d,佢血脂高麻,冇辦法啦~~~仲想整好多好多蛋糕,甜品添,但係每一日諗要做既野同每日24小時永遠都唔配合,點算?

織女~~天晴

一年過去, 我地做會計既最忙....又可以講唔忙......
但係好似好多野未攪掂好咁~~~~
望住日曆,一月話咁快已經過左7日~~~~日子去曬邊呢?
係星期六果日,毛貓話想繡幅十字繡比呀龍公子做生日禮物,咁咪同佢去左置樂買材料,唔知佢有冇恒心呢?因為睇佢開始繡既時候,我同佢都好想嘔呀......
我都唔執輸,睇中左一幅觀音圖,初初都唔諗住買, 點知shirly攞左幅完成圖比我地睇, 靚到飛起,一睇之下就拍板買左幅$328既黎玩下,玲姐都好好野,一玩就玩幅勁既富貴有餘......希望佢繡到啦!
大家不知不覺間就做左織女,連成日整爛野既小儀都買左個菇菇黎繡下,手機扣黎架,好得意,其實毛貓都可以試下先,唔駛咁辛苦麻,包括埋我,呵呵呵..........

花開富貴~~新年新希望,寒冷~~

呢d花花用左一段時間去打理,終於都乖乖地開花啦,仲係趕係新年開花添,
d相要click入去放大黎睇,咁就可以睇到佢地真面目,
閃閃令架,好靚靚~~~~
毛貓既兩棵大白菜同大波菜超靚靚喔!!!!

送別2007~~天晴寒冷天氣警告

2007年終於過去啦~~~~~
係呢一年入面有好多突發事件出現,簡直令人措手不及......
呀女升高班,呀仔升中二,好忙好忙.......一個講野有d障礙咁款, 一個成日整到損手爛返黎,冇佢地付,
老公呢, 仲大件事,腎衰竭添,好突然呀,係我再三叫佢睇醫生既時候發現架,跟住仲一年入左三次醫院添,又要插喉又要放腎積水咁,腎功能得番唔夠三成,要錫住用 lu.....唔係好快冇.....
我自己本身冇咩特別事發生係身上,但係屋企人發生既咪即係自己發生囉,一家人麻......
但係...呢一年真係感覺成個人精神插水,好攰呀, 人既外表都老左好多好多~~~~~
不過...呢一年係開心日子多過唔開心既!!!!!
黎緊2008年希望大家都身體健康,開開心心!!!!!!
老公身體健康
小蕙蕙繼續聰明伶俐
MICHAEL仔就安安定定
毛貓心想事成,想肥就肥,想瘦就瘦,
葵葵快人一步理想達到
小儀依然咁爽
大姐LING要幾靚有幾靚

HAPPY NEW YEAR~~~~~

平安夜~~天晴潮濕

今日收到葵葵親手整既聖誕節餅人,好Q呀!真係唔捨得食呀,好似葵葵咁樣,有黑眼圈架~~~~


葵葵真係好有心, 年年都會整呢D手作仔比我地,我記得好似連情人節都有架!!!hehe........


希望佢出年唔止整比我地食,仲真係整比情人食啦~~~~~




Merry X'mas~~~~~~~
and a happy new year~~~~~~

又生日啦~~35歲 lu~~~~天晴

又生日啦~~35歲 lu~~~~
公司一斑妹妹仔同大姐 ling佢地比左個驚喜生日我~~係驚青個驚喎~~
首先毛貓攪錯食飯時間,佢可能好肚餓定嘞!仲要話比人知我12點走喎~~~
ling 姐係毛貓錯誤引導下,提早叫埋我入去房仔,點知大姐ling個樣鬼咁嚴肅,問佢咩事,佢話出事嘞呢次~~真係比佢嚇死,係呢個時候小小儀攞個 cake出黎喎,我忍唔住笑出黎,真係好驚喜呀!!
但係我地又好驚mc返到黎,所以啦啦聲收返埋個cake入雪柜,好似邵逸夫生日咁呀,要綵排一輪,哈哈哈,咁大個人都未試過要綵排一個生日會,原來係咁樣既,呵呵.......
點都好~~~真係好多謝妳地呀~~~
排名不分先後 :多謝小儀,多謝葵葵,多謝毛貓,多謝林玲,最後要多謝維琪,唔記要多謝邊個嘞~~實在太多人嘞,嗚嗚......多謝大家..出年我會再努力......多謝多謝....

粉撲專用洗劑~~天晴大霧

尋日試左呢個美顏新玩意......洗顏素材主体專用洗劑.......

吉之10蚊店貨仔
超好用超清潔囉,以前用過好多隻都洗唔乾淨個撲,點都有漬,好唔乾淨!但係呢支就一jit一洗就嘩嘩嘩聲super!!!!!!用清水一過,即刻變返白豬仔,靚曬~~~~

清洗前

清洗後

嘔血~~天晴

尋日放工同LING姐MINNIE落左元朗買迷妳電飯煲,果個PROMOTER真係唔掂,SALE野唔掂,計數仲大鑊過毛貓,計少一百蚊都夠膽死!仲要追到出LIFT口搵我地攞喎,等我同LING空歡喜一場,不過價錢都係我預算範圍以內,但係個PROMOTER就慘啦, 比4個收銀追住鬧,係起勢咁鬧喎!冇停口既意圖,唉.....佢都係新移民,所以慢少少蠢少少咁啫,冇心既,駛唔駛咁鬧法呀?
另外係返搭輕鐵返屋企途中,坐係我對面既一對母女, 真係睇到眼火爆,呀媽不停讚個女叻,成日攞100分,考試又高分,又話佢身邊果D係豬朋狗友唔好群埋去,初初聽到都冇咩野,講講下離曬大譜,用錢黎衡量每次分數既獎品,媽咪話20蚊,個女話要50蚊先得,先可以攞高分D喎!!!!!媽咪話"妳成日都攞到100分架啦,冇咩特別喎,點比妳呀?"跟住呀女話"吓!唔比?我攞曬妳D咭去碌爆曬佢!哼!",我地成車人都打曬個凸,佢媽咪仲離譜,話"妳識簽我個名咩?"個女話唔識,佢仲要親手教埋個女點簽佢個名喎!咩人黎架,點做媽咪?天呀!咁都得?

蚊上癮?~~天晴

呢排唔知點解大家好想修眉,我係尋日就幫三位美女修眉,其中葵葵發生血光之災,比我一mit就mit損左眼尾一忽仔,流血呀~~~~~~~~~~~oh,mygod!!!!sorry呀~~~~~
實在太攰啦隻眼,下次唔會啦,呵呵呵....
最得戚係毛貓,竟然好快口咁叫我幫佢蚊眼尾幾條眉尾喎,叻嘞而家,唔怕痛嘞,仲識同維琪講要靚麻唔痛既~~可以再蚊多d添€咁喎!唔通佢蚊上癮?都好既,難得佢肯扮下靚......
女為悅己者容,中曬!

元朗小肥牛辣到飛起~~天晴

呢排係咁食野,仲要冇辣不歡添!個肚終於都肚疴啦,一晚去幾次廁所,都幾辛苦~~~~
尋晚又去左元朗食小肥牛,間舖頭細細,咁啱又撞到熟人,不過冇咩優惠,我地order左個鴛鴦鍋,好彩咋,一邊麻辣一邊皮蛋清湯,個麻辣真係辣到飛起,正呀!食到係咁喊~~~~LINGLING 一定啱食!
咁多款邊爐料,個芝士牛丸幾好食,但係個鵝肝墨魚丸就酥到嘔,超難食呀,冇下次!
仲有食左個從來都未食過既炸腐皮,好好味,口感好得意,推介!
不過席間我地仲食左條活石蚌刺身,個條魚仲郁郁下架,見到都想嘔,好恐佈!我最終一舊都吞唔落,NEUR返出黎~~~~
跟住我地仲帶vicky去左元朗地標B仔涼粉食野添,我地叫左個大B仔一齊食,呢個B仔真係好難攪,都唔知點不落個碗到好,呢曬HAIR,最後我地個個都抱住個肚走,遮得既遮,收得埋既收埋.......個肥肚!

北上食小肥羊~~天晴

唔怪得老公會成日話我唔好做埋d咁既野~~~~又比佢訓話一番~~~~唉
算啦~~~下次唔會架嘞~~~~
今日約埋大姐ling細ling小儀安娜佢地北上食小肥羊,同埋行街街,好開心呀!
唔知會有咩發生呢?
大家都做好準備, 除曬身上睇得下既野,安全至上好d~~~~

蜈蚣彈~~天晴

衰毛貓,係打羽毛波中場休息其間,竟然學人玩蜈蚣彈喎,我係到飲緊水,比佢攪到我即刻噴水,哈哈,真係笑到肚 luen,唉~~攪到周圍濕曬~~~
打完波仲要約埋細 ling行街買補品整面,最後去左資生堂玩左個肌膚test,oh~~~~我係A-F級入面,竟然係E級,係尾二呀,除左彈性仲好好之外,冇樣野合格,缺水缺油,塊面珠超乾,唉~~~點算?
有樣野令到我好驚訝,就係SALES小姐,我只係買左一支百六蚊既BASE同一個捷毛夾,但係佢都超好心機超好禮貌,唔同一般化妝小姐咁,佢會幫我攞住袋貨送到我出門口,講 BYEBYE,再黎一個90度直角鞠躬禮講多謝下次再見~~~嘩~~~我同細LING都好驚喜,真係從來未係香港見過,好日本FEEL呀!!!雖然呢D都係銷售手法之一,但我會因為佢既禮貌而再幫趁,如果香港間間美容公司係咁就好LU......唔好下下都好似貞子纏身,死咬住唔放!

精彩12月~~天晴

一踏入12月D節目就排山倒海咁黎,今日收到紅色炸彈一封,係老公個表妹12/1結婚闔府統請,黎緊18號係我自己第35個牛一,22號呀囝牛一兼冬至食飯,24號平安夜約左一家人去迪迪尼食步飛,29號呀奶奶唔知幾多歲既大壽要一家人食飯慶祝一下,到31號元旦又要同D囝囡睇煙花,好似好多節目咁,都好既,唔駛咁悶.....不過$$$就估計要用到接近5位以上,好貴呀,而家香港D衣食住行全部加曬價!就黎100蚊只可以當50蚊駛~~~~
如果黎緊真係約得成佢地北上食小肥羊就好嘞,比細 LING講到直頭想即刻起程北上......
"渦MARK","肥羊粉","郁耳馬",嘩...哈...哈..哈~~~~~

燒賣的誘惑~~天晴寒冷

燒賣的誘惑真係大,令到毛貓一食就停唔到口添~~~


佢採用左"咬"既方式黎食粒燒賣,真係好好味咁款喎,仲比我幫佢捕捉到一剎那既滿足表情添,請欣賞!

左一粒右一粒咁 , 食既滋味睇既開心,
不過,佢係喺冇超卡既情況下食架,值得支持鼓勵!

避年~~天晴超乾

外出天氣好好,但係濕度就超低囉!
近來塊面已經係咁起曬紅印,呢兩日仲同細 ling去屈人寺買左兩塊媽屎用下,9.9一塊仲係買一送一,底用呀,果日細ling行街起勢咁睇野仲想係咁買野添,唔叫住佢,佢肯定破產都有份......
不過講番轉頭,後生有能力既話, 真係要想做既就做,想扮靚就去扮,係啱架,唔通老左先黎扮咩,
而家d商場已經充滿聖誕節氣氛, 係人見到都開心,我仲諗住book定步飛同兩個細路去玩玩食食,等佢地開心下,不過真係好貴呀.......又要用錢.......
今年過得比上年仲要快,話咁快又聖誕節,咁咪好快新年囉?慘慘慘又要派利是,不如過大海避年,可唔可以番d利是錢呢?呵呵呵.....

小學頭輪派位~~天晴,返大風

小蕙蕙小學頭輪派位抽唔中,好擔心,雖然心知唔係要追求名校,只求校風好,但係往往校風好就係band 1,爭到頭崩額裂咁款,但係呀女一分都冇,點爭?周邊老師同c9既意見係第二輪再接再勵,一樣有機會,唔知點算好...呢d野只有自己先可以作決定,其他人一定唔敢比意見,真係諗到頭都實曬,最慘我係一個悲觀主義者,樣樣事但願安穩唔駛諗........一要諗既野就好似攞我命!
不過,我有一個堅持,就係就算而家呀女入左第二間小學都好,將來我都會繼續幫個女再申請入保良局既小學,一年唔得下年再試,一路試落去!!!!!!!!!

唉.........天晴,心灰

唉............
唉............
唉............
唉............
唉............
唉............
想點呀,點解呀?????諗到頭都大埋.......

開心十一月~~天晴轉涼

呢幾日天氣轉凍左,好似唔夠衫著咁, 但係應該夠既...係我冇去搵出黎啫!
十一月真係好多人生日呀, 一個接一個,年尾好似特別多開心事咁.....
捱過左炎夏, 天氣轉涼,公司d花花陸陸續續開始有花蕾,盆盆都等住開花, 正呀!
但係屋企盆蘭花就仲未見到有num,上年呢個時侯已經開始有野睇, 唔知係咪轉左環境所以唔開花呢?
小儀黎緊廿三號牛一, 仲會過大海添.......真係好,近近地但係又有行開過喎,攪到我都好想去呀!

大懶蛇~~~天晴

啱啱先消化完前日元朗夜遊既野食......
好似條蛇準備冬眠咁款,食飽飽先捐入窿,
而家又成日諗小肥羊嘞,唔知係咪前晚一心抱住食辣辣魚, 點知失望而回既原因呢?好想食呀!
今日要去惠康買包小肥羊返屋企拾下拾下先得,止下咳先~~~~~

我要打好呢個波!~~天晴

死死死!!!!!
打一日羽毛波已經成身散曬,仲唔知醒返工添!
不過話時話,打波係攰少少, 但係個人精神左,仲好好訓添:p
打羽毛波真係好玩過跑步呀, 起碼係互動,唔會好似跑步咁一個人玩,同毛毛,大姐玲,葵葵,小儀,緯其呢d國家隊成員打一場,真係正呀,有姿勢有實際!
我要打好呢個波!

開心星期日~~天晴

今個星期日係好耐都冇試過既假期,因為仔仔同小蕙蕙約左呀姨去海浪公園玩,屋企得番我地兩公婆係到,悶到嘔呀!小蕙蕙係出門口前仲話比爸爸知:我去玩啦,今日唔得閒倍你嘞,叫媽咪倍你玩啦,知道麻? 真係攪笑,好似佢係大人咁款~~
食完早餐,已經係到諗去邊樹打發時間,大澳啦,長洲,梅窩,尖咀,旺角........老公仲問我有邊度香港名勝未去過,真係諗到頭都大埋,最後我選擇左去尖咀行citysuper,跟住直落去行街,老公睇電器,我睇廚房裝修家具,真係好多野睇,果d雪柜,洗衣機,焗爐,電磁爐睇到冇停手,樣樣都係被我度揭黎揭去,好似有心買咁款,但係我都係睇下啫,睇下而家d家品有咩功能同款,唔買睇下都勁開心呀!
最開心係同老公去左i.t到睇衫睇鞋,睇中左對boot,但係一睇就知唔啱著,老公叫我買大d,我話我唔會咁盲目去買野,啱就啱唔啱就算,佢竟然問我點解唔去造鞋,真係一言驚醒,但係造一對鞋真係好貴架,下下成千蚊,真係有d唔捨得,點好呢??

熱戀~~天晴

<當女律師指Ｘ已屆中年，熱戀可曾令他回復青春時，X更帶笑指「任何人開心的時候，包括大狀你，都會感覺年輕」，引得庭上連同法官在內的男士同聲一笑。>
以上一段對話 ,令我更加肯定一對夫妻或情侶一定要時刻保持菲傭口頭蟬:新鮮~~
果個X係一個中年香港高官,有十二萬蚊一個月,有長俸,有個靚老婆,唯獨欠一樣野,就係新鮮感,一段廿四年既婚姻,被一個相識唔夠半年既36歲女人破壞,到底真係男人既錯定係女人一定冇錯呢?

光陰偷走~~天晴乾燥

呢幾日係往返屋企同公司途中, 發現少少自然定律,係搭lift大堂見到一隻蝙蝠一隻大草蜢各自伏係一度牆上面,好靜好靜,郁都唔郁,行經幾日都係咁樣, 令我諗到佢地係咪等對方先郁呢?真係敵不動我不動?
但係天氣日漸清涼,佢地又冇野食,點捱落去呢?到時咪棧一齊攬住死~~
有時人都係咁諗: 你郁我就對付你!哼!!
對方又會咁諗喎 :我唔郁你攪我唔到!吹咩!!!
係大家專注對付大家既時候,光陰已經慢慢偷走左~~~

魔鬼來臨~~天陰有雨

今次去返傳統街市買雲吞皮,一定掂~~~有時呢d野真係傳統既好d!
係落雨冇地方好去既情況下, 係惠康買左生果返屋企整沙律, 仲買左支惠比沙律醬用 , 冇咁酸都好好食喎.
今日又係哈佬喂,唔知幾時開始, d人將呢個節日當成大日子咁攪,仲要好有氣氛喎,雖然呢一日係外國係d鬼魂返回陽間既恐怖日子,但係香港人就將佢變成歡樂既節日,好野呀吓~~~但係天主教好似好反對慶祝呢個日子,好似話係歡迎魔鬼來臨咁話喎.......
其實都冇咩所謂啦,開開心心又一年,11月打都後會好多節目嘞,真係好呀!

小蕙蕙尋晚已經好興奮咁期待天光,因為佢學校攪左個萬聖節party呀!

尋日諗住包d雲吞比毛毛食, d料己經撈好曬,仲用左係吉豬買既雲吞皮包添,點知d皮好睇唔好食架,一煲起已經溶曬, 得番粒餡係到,攪咩呀咁都得, 係咪特登設計成咁!!!!!

無謂野~~天晴

大老爺又入左醫院, 呢半年已經出出入入幾次......
佢身體愈黎愈差嘞,好多粗重野都唔可以做,心情自然down左d,
佢仲要傻到諗我得果三十幾歲, 第日得番我一個人點算喎,驚冇人照顧到我,可能人到有病既時候就會諗好多好多無謂野,冇一個人會例外~~~~

美食嘉年華~~天晴

因為我無名個整野食 blog我入唔返呀,所以呢幾日掛住係y!blog到整返d野post上去,又搬一次屋!到今日都未搬完呀,唔知要整到幾時呢?
其實呢排都整左好多野食 , 不過都唔得閒post上黎, 而家一次過蘇曬出黎先~~

意大利陳年黑醋

芒果紐約芝士

新會柑同曬果皮

手打腳踩烏冬,超滑滑呀, 食到啜啜聲~~

紫菜雪芳

秘製莎牌辣椒醬

杏仁豆腐花

新玩意:狄康1400ml全自動豆漿機

蜜汁豬肉乾

公司秋季旅行

明天同埋佢地成班人去釣墨魚,好開心....秋涼攪番d戶外活動真係好!
當係公司秋季旅行~~~
呢個團都算攪得有難度 , 因為要十幾人先成團呀!
下次去國內食野團唔知會點呢 , 而家個心又已經飛左出去嘞!!!!!

vichy+雪耳~~天晴,乾燥

同玲姐去買左細ling介紹既vichy,我同大姐玲夾份買黎用,用左一日都ok良好,咁覺真係幾水喎~~
呢兩日食番d雪耳糖水, 感覺身體入面舒服左好多, 冇咁燥lu......
以後都要 keep住食, 日日食,希望第日唔駛靠面霜都可以見得人啦!
而家我仲密謀緊買個新雪柜,可以擺我個d芝士呀, 鮮奶呀,啫喱呀,淡忌廉呀,仲有其他製成品添,唔駛再擔心而家個雪柜一日凍一日熱嘞~~~不過都係過左農曆新年先買lu , 到時手頭鬆動d麻,唔駛就住就住咁~~~
終於都甩難,唔駛再咩住層蟹樓!

花膠雪耳雪蛤糕~~天晴,三蛇肥

尋晚終於發好d花膠,其實已經浸左兩日咁耐,雖然有人話自己食唔駛咁麻煩發咁耐 , 但係我都係怕左d腥味 , 所以辛苦d都要做!我已經搵九百幾蚊一斤果d"公"黎買(有d真係太貴), 聞落都唔係好腥 , 好彩啫,如果唔係真係曬心機捱眼訓整咁耐~~
秋天一到 , 人就咩肚紋,皺紋,嘜紋物紋全部都走曬出黎,比細ling提一提 , 真係要入急症室抖一抖先得 , 如果唔係真係提早 變呀婆~~~
花膠雪耳雪蛤糕咩都出齊先得,
多謝細ling 既老實相告,等我唔駛懵懵下!

相遇 , 不是用來生氣的

在網上文章看到這樣一編散文~~我發覺我有時也會這樣傷害他的心.....

往回家的公車上，轉程靠站時，乘客頓時多了起來。一對上班族男女恰巧在我身邊，吸引了我的目光。可能因為人多，男的不時地將手臂圍住女的，並輕聲的問「累不累？」「待會想吃些什麼？」
只見女的不耐煩地回答：「我已經夠煩了，吃什麼都還不先決定，每次都要問我。」
男的一臉無辜的低下頭，而後說了令我印象深刻的話：「讓妳決定是因為希望能夠陪妳吃妳喜歡的東西，然後看到妳滿足的笑容，把今天工作的不愉快快暫時忘掉。我的能力不足，妳工作上所受的委屈我沒法幫妳，我所能做的也只有這樣。」女的聽了後，滿懷愧疚的說聲對不起。
男的這才似乎重燃信心般說：「沒關係，只要你開心就好。」而後親吻了女的頭髮。
下車前再回頭看看這對情侶，男的依舊保護著心愛的人。
這樣的情景，讓我覺得自己今天同樣在工作上有些許不愉快，如果沒有聽到這一段對話，回家後的我，可能也是一副全世界都對不起我的臭臉面對心愛的人，只在乎自己的委屈，卻忽視對方的感受，不自覺地傷害最親密的人。
所以在踏進家門時，我告訴自己：難道我要像公車上那位女孩一樣忍心，將自己的不滿委屈帶給身旁的人嗎？
不，我想我現在應該做的是：別再把工作上的情緒發洩在心愛的人身上，破壞了最親密的關係，並且主動給自己一個微笑。
相遇 , 不是用來生氣的 , 說得真好!

力量~~天晴

公司既空氣污染指數超標 , 怨氣很重 , 何必呢......
憎恨唔講出口 , 永遠都冇憎恨既全在
憎恨講左出口 , 永遠會被憎恨操縱~~~
係咪真係咁一無是處呢?
但係我接受得到,亦都願意接受,因為自知力量有限,游唔到出大海!

唔知做咩~~天晴,秋風起

尋晚係屋企整左個終極咖啡蛋糕比毛毛食 , 等佢好過冬~~~
唔知係咪好耐冇焗蛋糕關係, 硬係唔就手咁既, 算啦, 食唔死人既, 哈!!!
呢排唔知做咩 , 仲之就係唔知做咩~~~~
我既生理同心理質素要進修啦 , 如果唔係會外表三十六入面六十六嘞,係咪有好既生理自然會有好既心理呢?

生命的功課

生命的功課

有一個人，他有四個兒子。
他希望他的兒子能夠學會不要太快對事情下結論，
所以，他依次給他四個孩子一個問題，
要他們分別出去遠方看一顆桃子樹。
大兒子在冬天前往，二兒子在春天，
三兒子在夏天，小兒子則是在秋天前往。
當他們都前去也都返家之後，
他把他們一起叫到跟前形容他們所看到的情景，
大兒子說那棵數很醜、枯槁、扭曲。
二兒子則說，不是這樣子，
這棵樹被青青的嫩芽所覆蓋，充滿了盼望。
三兒子不同意，他說樹上花朵綻放、充滿香氣，
看起來十分美麗，這美景事他從來不曾見到過的。
小兒子不同意他們三人的說法。
他說樹上結滿了果子、累累下垂。
充滿了生命果子與豐收。
這個人就對他四個兒子說：你們都是正確的。
因為你們四個人是在這棵樹的四個不同季節前往，
並且只看到其中一個季節的風景。
他告訴兒子們不可用一個季節的風景來評斷一棵樹或是一個人，
關於構成一個人是怎樣的一個人的要件，還有一個人生命的
歡愉、喜樂、愛，只能在他生命的盡頭時候來做衡量。
當你在冬天時候就放棄，你就會錯過你生命春天的盼望、夏天的美麗、秋天的收成。
不要讓一個季節的痛苦毀掉其他季節的喜樂。
不要因為一個痛苦的季節就對人生下結論，

持守忍耐度過這段艱難，美好的日子將在不久之後來到。

近朱者赤近墨者黑

原來近朱者赤近墨者黑係真架 , 同老公行左一陣街 , 坐低係茶餐廳食野,我見到一個身形稍肥 , 短頭髮但係亂曬籠好似冇梳過頭出街咁款 , 一件超緊身t恤 化身米芝蓮,一條有漬牛仔三個骨褲 , 一路食野一路講野 , 我問老公 , 你覺得呢個女人烏唔烏 wear 呀,佢答唔覺喎 , 嗯.....我話原來你既要求係咁低既.....唔怪得我會愈來愈唔理自己打扮 , 唔理自己頭髮啦!
女為悅己者容 , 連身邊人都唔需要自己去打扮一下 ,自然會放鬆下來...
我話比佢聽 , 我近排發覺自己太似黃面婆,太不修編幅啦 , 自我形象極低 , 我問佢知道嗎?佢竟然答唔係呀妳仲好靚喎 , 我真係比佢激到死左 , 就係因為你冇要求令到我咩野都是但啦 , 36歲已經攪到今日咁既款囉 , 連果個小肥肥師奶都話ok既 , 我係你心目中點唔會唔ok呢 , 係咪!!!!!!
女人千奇唔好信自己男人講既 "ok喎", 要跟隨返自己想扮靚就扮靚既原則 ,買衫行街要自己行 , 唔好約埋佢 , 妳問佢件衫靚唔靚呀 , 佢只會答ok喎 , 化個妝唔駛問佢靚唔靚 , 佢又只會答ok喎 , 我老公仲衰 , 我如果有日心情好扮靚靚同佢出街 , 佢會問我妳去飲呀 , 去街行下咋喎 , 聽到想死呀我!
女人唔一定要有街去, 有場合先可以扮下靚 , 係平時返工,去買餸, 去樓下百佳都可扮到好靚架!!!!!!!
36歲咋 , 係時候要修理一下自己~~~~

過期~~時晴時雨

呢排心情真係麻麻~~好似天氣咁 , 話變就變!
有時d野真係要睇開d , 但係講就容易做就難 ,
天下無難事 , 只怕有心人<----我就係果個有心人嘞!
又到月尾 , 不過都係冇心機做野 , 拖字訣....又一個月~~
屋企雪柜d材料亦因為我既拖字訣而難逃厄運, 掉落垃圾桶 lu....
通通過曬期 , 竟然連檸檬都係咁 , 我老公話我咁都得?
橫掂已經出左毛利 , 咁就呢兩日整蛋糕啦.....
整咩好呢?定係整 p sa 好呢?

尋晚同蕙蕙一路睇電視一路食冰皮月餅 , 初初食皇牌綠豆芒果味既時候都好正 , 點知食食下 , 小蕙蕙好大聲叫左出黎"救命呀媽咪"!我比佢嚇一嚇, 望下佢做咩 , 佢好驚咁樣望住我話好驚呀 , 原來佢見到手上果個士多啤梨味既冰皮月餅 , 咬開一半之後見到入面紅卜卜好似血咁色 , 佢咪驚囉 , 問我點解咁多血喎 , 佢真係驚到失失慌 , 笑到我肚 luen.......我見佢個樣咁驚真係忍唔住笑,不過個月餅真係好核突架 , 駛唔駛用咁多顏色呀?紅到咁都得~~~直頭好似紅色印台果種紅喎!

新玩意~~天晴

好多謝細ling比左40個Q傍我去"千零"個度換機,係一部麵包機同一部雪糕機黎, 恨左好耐~~~~嫌佢太貴冇買, 而家有得平一半, 真係好開心!!唔知幾時有威馬豆漿機換呢?又係好恨~~~
而家仲要勞煩LINGLING同我試下部機 , 出黎佢同皇后都話好好食, 咁我都放心D......
嗯...以後可以食冇添加既麵包啦 , 如果有心情既話:P~~~~

bid bid bid~~天陰

呢排都唔知攪咩鬼, 成日都冇心機做野 , d野唔堆到死線都唔清左佢 , 呢個星期仲鬼咁多節目添,中秋啦, bbq啦 , 去街啦 , 百足咁多爪~~~個心又成日想整野食 , 已經買曬成屋野準備開波 , 整咩先好呢?
不過 , 呢排最興係上網bid一d係街唔會買既野 , 好好彩買親既野都對辦 , 所以都有d信心買,而家同小yee想買d好貼身既野玩下 , 唔知係唔係真係反地心吸力呢?如果唔係係街到........ :p肯定笑死人 , 呵呵呵~~~~

煲劇情緣

終於上網bid左套雪兒 , 返到屋企同個女一齊睇 , 估唔到琛蕙都咁鍾意睇喎,
直頭好似我煲韓劇咁款 , 不停咁睇 , 爸爸叫訓覺都唔肯 ......
諗下諗下都幾得意 , 係我十歲仲係學生既時候睇過既一套卡通片,今日三十幾歲人竟然同囡囡一齊睇 , 感覺好得意~~~仲係要攞曬綿被同零食一齊睇果隻, 哈哈......
爸爸話唔知我地有咩咁好睇 , 我話呢d係我同個女將來既集體回憶黎架.
今日返去再煲過 , 仲有好多集碟未睇呀~~~一定好眼訓~~~~~

性格測驗~~天晴

呢個係我跟 CONNIE玩既結果 , 真係超準呀!!!!!


平和型（隨和豁達，樂天知命）

您通常是溫暖、友善、忍耐、隨和、不好競爭，以及愛說話。您偏好和平、有組織、可預期而舒服的生活。您喜歡配合環境，因而很難知道自己的優先次序，變成跟隨別人所希望而去做事，有時候甚至模仿別人說話的腔調、用詞，以及身體語言。

優點：非常主動，具有眾多興趣和嗜好。您喜歡與人為伍，可以為了別人而發揮最具生產力的工作成效。

缺點：您會「自我遺忘」，失去了什麼是對自己真正重要的覺察, 妳很 容易分心，即使一個人時，亦有可能把高度優先的事情留到最後才 做。看起來很像是拖延，但並不故意。

愛情：您一旦擁有了關係，不會想到分離，而且會承諾去經營恆常不分離的關係。您既忠誠又慷慨，可以不帶妒忌或競爭心去支持並慶賀伴侶的成功，當伴侶的需要浮現時，更能給予回應。
您的憤怒最有可能在親密關係中顯現。因為當您迎合別人時，自己就消失了。「我有好長一段時間不知道自己的感覺，總是一片空白。當她投射出她所認為我感覺到的事情時，我們便陷入爭吵。我痛恨這種情形，但是對於引發我找到自己想要什麼確實有幫助。」

安定方位：成就型在安定的狀態下您會變得很專一，能在短時間內完成許多傑出的事。

壓力方位：忠誠型當面對感情的壓力或情緒對抗時，您會變得充滿恐懼，意識到所潛在的威脅，不但變得退縮，甚至唯命是從、好鬥、彆扭而且更頑固。

建意：問問自己的想法，而非顧慮別人的意見注意您對改變的不適感，學習歡迎新事物。注意您的頑固和被動式抗拒
最渴望：和洽相處
最恐懼：有紛爭，有衝突
最難達到的美德：果斷 (Right action)
最難克服的執念：懶惰 (Sloth)

悶到發火~~天晴

半夜走去炒湖南辣椒醬 , 但係個爐頭真係太高啦,攪到我都炒唔得耐!
手都跛埋 ~~~~
睇到手頭上既工作 , 好想一把火燒左佢!!!!!!!!!
要悶到幾時?

小福星~~天晴

日子仍然是依舊,如軟禁般的生活~~
表面輕鬆 , 內心沉重,兩年的日子真是難捱!
每日都是從密封的木箱中的一條小縫唞氣 ,這條小縫就是我的一班好同事,
全靠她們 , 我的日子先可以過得好些~~~起碼不用思考太多問題,嘻嘻哈哈亂講一通又一日,不用每下子都要正襟危坐,看到玻璃窗那邊的面色,真叫人想死!
若非有協定 , 我斷不會捱到兩年 , 希望因為子女的學校生活可以令日子快些過去,看到他們的校曆表,假期一個接一個 ,活動多到離奇 , 好彩有兩個小福星喔~~~~